Hier raak ons in verwondering stil voor God en laat toe dat God se Woord ons verbeeldings aangryp. Ons word wakker tot die nuwe moontlikhede wat God skenk en ons kyk met nuwe oë na God se skepping.
Om saam te droom is om in verwondering stil te raak voor God. Dit is om ons drome met God en mekaar te deel. Dit is om toe te laat dat God se Woord ons verbeeldings aangryp. Dit is om die musiek van God se toekoms te hoor en saam te sing. Dit is om wakker te word tot die nuwe moontlikhede wat God skenk. Dit is om met nuwe oë na God se skepping te leer kyk. Dit is om op die kritiese oomblikke van ons lewe op te staan en te sê: “Ek het ʼn droom!”